Mari Hole frå Ellingsøya i Ålesund har glidd rett inn i Mediesmio-kulturen med strålande designarbeid, friske idear og eit vinnande, humørfylt vesen. Også fekk me ein sosial Alaska-husky med på kjøpet!
Skrevet av: Sverre HjornevikPublisert: 29. august 2023
– Eg er frå Ellingsøya i Ålesund kommune, kor eg har vakse opp med Sunnmørsalpane som bakteppe. Eg har fire års utdanning i grafisk design som inkludera ein bachelor hjå Westerdals Oslo ACT og 2 års fagutdanning i teknisk teikning frå Høgskulen Kristiania i Bergen. Eg har tidlegare arbeida i HMY Nordic som planteiknar/Bim-teknikar, og i Elkjøp Nordic som grafisk designar. På fritida arbeidar eg freelance for organisasjonen Passion for Ocean, kor eg har vore engasjert i festivalane sidan 2019. Når eg ikkje jobbar med design er eg anten på ein fjelltopp, på konsert eller fordjupa i illustrasjon.
– Å skulle gi eit konkret svar på kva eg brenne for innan design er ei utfordring i seg sjølv. Eg er nyfiken av natur, og vil gjerne kunne alt. Med digitale nyvinningar er grafisk design eit felt i stadig endring, kor det alltid vil ligge eit høve for sjølvutvikling. Ein dag må du sette deg inn i søkeoptimalisering på nett, medan du neste designar emballasje til kassettar. Den tredje sit du kanskje med eit kundeproblem innanfor eit heilt nytt fagfelt. Dette spennet i designfaget er noko av det eg verdsett mest.
– Då eg søkte på jobben hjå Mediesmio var eg på utkikk etter eit lite byrå. Om det var bygdejenta i meg eller intuisjonen som snakka veit eg ikkje, men det var noko heimekjært og -kjend over lysinga. Eg ynskja meg ein jobb med mykje ansvar og tett kollegialt samarbeid. I Mediesmio er med alle med å bestemme på vegne av bedrifta, det er høgt under taket og alltid rom for innspel frå sidelinja. For meg er dette ein helt unik og høgt verdsatt arbeidskultur. Vi har alle våre fagfelt, men vi kvir oss ikkje for å fusjonere dei.
– Nut er ein to år gamal Alaskahusky frå Telemark. Forutan dei primære interessene mat og tur er Nut veldig glad i hestar. Med storslåtte entréar gjer han gjerne eit poeng av å synast i sosiale lag, og han helsar på alt som kryp og går. Han trivast best når han hev «point of contact» med matmor, som stundom lev livet med husky i fjeset. Som huskyar flest elskar han snø, og no gler han seg til vinteren på Voss.
Mari Hole har mykje erfaring og kompetanse innan webdesign, grafisk design, illustrasjon og mykje anna. Trur du ho kan hjelpe deg og verksemda di med noko? Ta kontakt med Mediesmio på hei@mediesmio.no for eit uforpliktande tilbod.
