Voss Kommunikasjon
Trygg IT med kunden i fokus! Me har laga visuell profil, nettside og diverse innhald til IT-verksemda på Voss.
Kva
Nettside
Visuell profil
Innhaldsproduksjon
Nyhendebrev
Kven
Voss Kommunikasjon er ein breiddeleverandør av komplette tenester innan IT, kommunikasjon, mobil og data på Voss. Dei er ei verksemd i vekst, med mykje spesialisert kompetanse og fokus på å levera trygge, oppdaterte og tilpassa løysingar til privat- og bedriftsmarknaden.
Behov
Voss Kommunikasjon har spesialisert kompetanse innan IT og telekommunikasjon og mange fornøgde kundar på bedriftsmarknaden, men kommunikasjonen utad gjenspegla ikkje dette godt nok. Nettsida deira var ein nettbutikk mynta på privatmarknaden, mens det dei eigentleg trengte var noko som spegla bedriftsløysingane deira og viste fram den mangslungne kompetansen dei sat på.
Løysingar
Slik løyste me oppgåva:
- Me utarbeida ny visuell profil og justerte logoen til verksemda. Vår designar Mari gjekk for eit moderne, tydleg og gjennomarbeida design, med ein sprelsk refleksaktig aksentfarge!
- Me utarbeida ny nettside med fokus på menneska og tenestene. I staden for å fronta produkt framhever Voss Kommunikasjon no løysingar, kompetanse og høg servicegrad på nettsida si.
- På innhaldsfronten har hovudfokus vore å laga gode, evig aktuelle reportasjeartiklar om kva Voss Kommunikasjon har levert til sine bedriftskundar. Sakene vert sendt ut i nyhendebrev, og vert plasserte på "aktuelt"-sida på nettsida.
Designar Mari har laga ein moderne, tydeleg og gjennomført visuell identitet til Voss Kommunikasjon.
-
Dei nye bileta av dei tilsette skal visa fram menneska bak teknologien og tenestene.
-
Sjølv om ein driv med data og IT betyr ikkje det at ein sit på kontoret foran skjermen heile dagen.